14 августа в 05:59

Фото: 5

ҺӨНӘРИ ОСТАЛЫК БӘЙГЕСЕ: яшь вулканлаштыручылар 🛞 КАМА ТYRES предприятиеләрендә хезмәт куючы 20 яшь вулканлаштыручы һөнәри осталыкта сыналды. Бәйге шартлары буенча конкурсантлар өч шина «пешерде». Жюри егетләрнең һәр хәрәкәтен күзәтеп, хаталарын теркәп бара. Ә алар күзеннән энә очы кадәрле дә кимчелек төшеп калмый: конкурсант махсус киеменнәнме, эшли башлаганчы агрегатның техник торышын тикшердеме, «пешерелгән» покрышка сыйфатлымы, куркынычсызлык, хезмәтне саклау кагыйдәләре үтәлдеме һ.б. Форматорлардан бөркелгән кайнарлыкка егетләрнең ярыш азарты да өстәлгәч, цехтагы һава температурасы күтәрелә төште кебек. Альмир Гарипов: – Минем өчен бу дүртенче бәйге. Кызганычка, берсендә дә призлы урын алып булмады. Бәлки, монысында бәхет елмаер. Теориядә 20 мөмкинлектән 17 балл җыйдым. Практикада хаталар ясамаска, яхшы күрсәткечкә ирешергә исәп. Айрат Яппаров: – Беренче тапкыр катнашкач, бераз каушата. Ләкин сынатмам, үземне уңай яктан күрсәтермен дип уйлыйм. Бер дә хезмәттәшләр алдында сынатасы, сиңа ышаныч белдергән җитәкчеләр йөзенә кызыллык китерәсе килми. 🏆 Йөзләренә канәгатьлек кызыллыгы йөгергән конкурсантларның эшен кабул итеп алган жюри кемгә өстенлек бирде? Монысы ай азагында билгеле булачак.

13 августа в 12:09

13 августа в 08:49

Фото: 1

БЕЛДЕРҮ: ярышта катнашырга чакыру 19 августта “Шинник” спорт комплексында җиңел атлетика буенча корпоратив ярышлар узачак. Көн тәртибе: ☀ Иртән: ✍ Ярышта катнашучыларны теркәү: 09:50 – 10:00 🛑Ярышны ачу парады: 10:00 🏃Старт: 10:15 🌛Кич: ✍ Ярышта катнашучыларны теркәү: 17:30 - 18:00 🛑Ярышны ачу парады: 18:00 🏃 Старт: 18:15 Ярышлар программасы: 📍 Ирекле йөгерү: ✔ хатын-кызлар – 200 м. ✔ ир-егетләр – 400 м. Яшь төркемнәре: 18-29, 30-39, 40-49, 50+) 📍 Ике төрне берләштергән ярыш: 60 м йөгерү + басып торган урыннан ераклыкка сикерү 📍 4×200 м эстафета: ✔ 1-2 этап – хатын-кызлар, ✔ 3-4 этап – ир-егетләр 🏁 Стартта очрашканга кадәр!

13 августа в 06:01

Фото: 2Видео: 2

Таныш булыйк: Айдар Галимов, "Кама" сәүдә йортының йөктөягеч йөртүчесе 2022 елда сәүдә йортының 2нче продукция төяп озату цехына (ЦОП-2) йөк төяүче булып эшкә урнаша, аннан йөктөягеч йөртүче белгечлегенә укый. Бала чагыннан пешерүче булырга хыялланган егет, армия хезмәтенә кадәр ресторанда официант, бармен һәм пешерүче булып эшли. Белеме буенча –юрист. Әмма иң яраткан шөгыле – машина йөртү, техника ремонтлау. Шуңа да, туганы тәкъдим иткәч, ике дә уйламый, шина комплексына эшкә урнаша. Озак та үтми, тырыш егетне бригадир итеп билгелиләр. “Эшне күңел биреп башкаргач, көн шуның кадәр тиз уза”, – ди ул. Бригадагысындагы егетләрне мактап телгә ала. Техника “кәҗәләнә” башласа, читтән ярдәм көтмиләр, үзләре үк ремонтлыйлар. Айдарның хатыны Рәсимә йөк шиналары заводының сыйфат бүлегендә эшли. Гаиләдә ике бала тәрбияләнә. Кем белә, бәлкем, алар да әти-әнисе юлын дәвам итәр.